O noso sanómetro

 Durante este curso puxemos en marcha o sanómetro:  cada vez que un alumno ou alumna levaba unha merenda saudable ao cole, marcábase cunha “X” no día correspondente. Ao final do mes, quen teña máis marcas poderá escoller un xogo na clase de Educación Física. As marcas facíanse antes do recreo para non interromper a clase. Os tipos de merendas consideradas saudables foron: os lácteos sen azucre engadido, froitas e froitos secos naturais, bocadillos con pan integral e embutidos sen graxas, e outros procesados caseiros sen azucre, como a repostería feita na casa.

Gustounos moito a dinámica e axudounos a elixir opcións máis nutritivas e saudables.

Torneo de xadrez no noso concello

 Este sábado celebrouse no pavillón deportivo de Panxón o XII Torneo de Xadrez Dani da Rocha Prol. Nel participou alumnado de 1º, 3º e 4º de primaria do noso cole. Estamos moi orgullos@s deles!

I Semana da Roda

Durante esta semana, con motivo do Día da bicicleta (3 de xuño), estivemos celebrando nas clases de Educación Física a I Semana da Roda. Que ben o pasamos montando nas bicis, patíns e monopatíns!

      

Semana da Roda

 A vindeira semana celebraremos nas clases de EF a I Semana da Roda. Recordade traer a vosa bici, patíns ou monopatín e o casco!

Xogos populares co alumnado de intercambio de Manchester

 A semana do 22 ao 29 de maio tivemos invitados no centro: o alumnado de intercambio do centro St Catherine's, de Manchester. O xoves día 24 celebramos unha xornada de convivencia entre alumnado galego e alumnado inglés a través de xogos tradicionais: petanca, bolos celtas, rá, corda... Que ben o pasamos dando a coñecer as nosas tradicións!

Ioga en 1º e 2º

 Hoxe nas clases con 1º e 2º de primaria inicámonos na práctica do ioga. A práctica do ioga a curtas idades conleva múltiples beneficios, tanto a nivel físico como emocional. A través de xogos, posturas sinxelas e técnicas de respiración adaptadas á súa idade, o ioga axúdalles a mellorar a súa flexibilidade, equilibrio e coordinación. Ademais, favorece a concentración, a xestión das emocións e a relaxación, aspectos fundamentais nesta etapa inicial do seu desenvolvemento. O ioga tamén promove a autoestima e o respecto cara aos demais, creando un espazo seguro no que os pequenos poden coñecerse mellor e aprender a coidar do seu corpo e da súa mente.

Quedamos moi relaxados!

Probamos o Quadball!

 O pasado martes 25 de marzo acompañounos nas clases de Educación Física de 5º e 6º de EP Brais, un exalumno do noso cole que xoga nun equipo dun deporte alternativo: o Quadball. Aínda que non o coñecíamos, pronto todos/as captamos as normas e nos puxemos mans á obra para probalo na aula. Encantounos! Esperamos repetir moi pronto!